Во время правления Ярослава Мудрого произошло столкновение Руси с Византией. Поход на Константинополь возглавлял новгородский князь Владимир Ярославич. Радзивиловская летопись:

«В лето 6551. Посла Ярослав сына своего Володимира на Грекы, дав ему вои многы, и воеводство поручи Вышате, отцу Яневу. И поиде Володимир в лодьях, и приидоша в Дунаи, и поидоша ко Царюграду. И бысть буря велика, и разби корабля руси и княж корабль разби ветр, и взя в корабль князя Иван Творимич, и воевода Ярославль, и прочии же вои Володимири вывержени быша на берег числом 6000.

И хотяще поити в Русь, и не идяше с ними от дружины князя. И рече: «Аз поиду с ними». И выседе ис корабля к ним. И рече: «Аще то жив буду — с ними, аще ли погину, то со дружиною». И поидоша, хотяче в Русь. И бысть весть ко греком, яко избило море русь, и посла царь, именем Монамаха, по Русь и олядеи 14. Володимер, видев со дружыною, яко идут по них, и возратився, и изби оляди грецкия, и возратися в Русь, вседше в корабли своя.